গুৱাহাটী – বিশিষ্ট চলচ্চিত্র নির্মাতা মঞ্জু বৰালৈ আগবঢ়োৱা হ’ব চলিত বর্ষৰ আইদেউ সন্দিকৈ সোঁৱৰণী বঁটা। সদৌ অসম লেখিকা সমাৰোহ সমিতিয়ে অহা ১৭ ডিচেম্বৰত বোকাখাতৰ কমাৰগাঁৱৰ আইদেউ সন্দিকৈৰ জন্মস্থানত প্রদান কৰিব এই বঁটা৷ সদৌ অসম লেখিকা সমাৰোহ সমিতিৰ প্রধান সম্পাদিকা ড০ থুনু কলিতাই জনাইছে এই কথা।
উল্লেখ্য যে সমিতিয়ে বিগত ২০০৪ বর্ষৰ পৰা কলা-সংস্কৃতিৰ ক্ষেত্রত বিশেষ অৰিহণা যোগোৱা একোগৰাকী বিশিষ্ট ব্যক্তিলৈ এই বঁটা প্রদান কৰি আহিছে৷ এইবছৰ বিশিষ্ট চলচ্চিত্র প্রযোজক, পৰিচালিকা তথা ৮ টাকৈ ৰাষ্ট্রীয় আৰু কেবাটাও আন্তঃৰাষ্ট্রীয় বঁটাৰে সমৃদ্ধ মঞ্জু বৰাক এই বঁটাৰ বাবে বাচনি কৰা হৈছে। স্মৰ্তব্য যে আইদেউ সন্দিকৈৰ জন্ম শতবর্ষৰ লগত সংগতি ৰাখি অনুষ্ঠিত হ’বলগীয়া অনুষ্ঠানত মঞ্জু বৰাক এই বঁটা প্রদান কৰা হ’ব৷
