শনিবাৰে দুলীয়াজানত এক ভয়াৱহ অগ্নিকাণ্ড সংঘটিত হয় । দুলীয়াজানৰ বামহুকোটা অঞ্চলত অৱস্থিত ছান ছাইন ধাবাত সংঘটিত হয় এই অগ্নিকাণ্ড। ধাবাখনৰ কাষতে থকা কেবিনৰ পৰা জুইৰ সূত্ৰপাত ঘটি এই অগ্নিকাণ্ডটো সংঘটিত হোৱা বুলি সন্দেহ কৰা হৈছে।
শ্বৰ্ট ছাৰ্কিটৰ ফলতেই এই অগ্নিকাণ্ডৰ সূত্ৰপাত হোৱা বুলি জানিব পৰা গৈছে। আনহাতে ধাবাখনৰ কাষতে অৱস্থিত বহু কেইটা ভাড়া ঘৰলৈও এই অগ্নিকাণ্ডৰ সূত্ৰপাত ঘটে ৷ যাৰ ফলত ভাড়াঘৰ কেইটাৰো বিস্তৰ ক্ষতি সাধন হয়। ঘটনাস্থলীত অইলৰ কেইবাখনো অগ্নিনিৰ্বাপক বাহিনীৰ গাড়ী উপস্থিত হৈ তৎপৰতাৰে জুই নিয়ন্ত্ৰণ কৰিবলৈ সক্ষম হয়।
এতিয়ালৈ অগ্নিকাণ্ডটো কোনো লোক হতাহত হোৱাৰ খবৰ জানিব পৰা নাই যদিও ধাবাখনৰ লগতে কাষৰ ভাড়া থকা পৰিয়াল কেইটিৰ বহু মূল্যৱান সা-সম্পত্তি জুইত ভস্মীভূত হোৱা বুলি জানিব পৰা গৈছে।
