সোমবাৰে বাক্সা জিলাৰ বৰিখাতৰ পাগলদিয়া নৈৰ পাৰত এটা এ.কে-৪৭ সহ বহু পৰিমাণৰ মৰাণাস্ত্ৰ উদ্ধাৰ কৰিবলৈ সক্ষম হৈছে আৰক্ষীয়ে ৷
জানিব পৰা মতে এক গোপন সূত্ৰৰ খবৰৰ ভিত্তিত আৰক্ষীয়ে বৰিমখাৰ মৰা পাগলদিয়া নৈৰ পাৰত মৰাণাস্ত্ৰৰ সন্ধানত এক অভিযান চলায় ৷
এই অভিযানকালত মৰা পাগলদিয়া নৈৰ বালিচৰত পুতি থোৱা অৱস্থাত মেগজিনসহ এটা এ.কে-৪৭, ১০৭ জাই সজীৱ গুলী আৰু এটা পিষ্টল উদ্ধাৰ কৰিবলৈ সক্ষম হয় ৷
অৱশ্যে কোনে এই মৰাণাস্ত্ৰসমূহ নৈৰ বালিচৰত পুতি থৈছিল সেয়া এতিয়াও ৰহস্য হৈ আছে৷
