ঋণ আৰু সম্পৰ্কিত সেৱাৰ জৰিয়তে গ্ৰাম্য সমৃদ্ধিৰ লক্ষ্যৰে স্থাপিত দেশৰ সৰ্ববৃহৎ উন্নয়ন বিত্তীয় প্ৰতিষ্ঠান নেচনেল বেংক ফৰ এগ্ৰিকালচাৰ এণ্ড গ্ৰামোন্নয়ন (নাবাৰ্ড) কৃষি আৰু গ্ৰামোন্নয়ন খণ্ডক সময়মতে আৰু পৰ্যাপ্ত ঋণ প্ৰদান কৰাৰ বাবে ২০২১-২২ বৰ্ষত শীৰ্ষস্থানত আছিল। নাবাৰ্ডে গ্ৰহণ কৰা সু-পদক্ষেপৰ ফলত ২০২১-২২ বিত্তীয় বৰ্ষত ইয়াৰ বেলেন্স শ্বীট ‘৭.৫৭ লাখ কোটি লৈ বৃদ্ধি হৈছে। অসমৰ বাবে, ২০২১-২২ বিত্তীয় বৰ্ষত, নাবাৰ্ডে বিভিন্ন প্ৰকল্প আৰু কাৰ্যকলাপৰ বাবে ৯৭০০ কোটি টকাৰ অনুমোদনৰ সুবিধা প্ৰদান কৰিছে, যাৰ ভিতৰত আছে ৰাজ্য চৰকাৰৰ আন্তঃগাঁথনি প্ৰকল্পৰ বাবে ৭৬০০ কোটি টকা, বিভিন্ন বিত্তীয় প্ৰতিষ্ঠানক ২০৬৫ কোটি টকা ইত্যাদি।
তদুপৰি, কৃষক উৎপাদক সংগঠন স্থাপন, জনজাতীয় উন্নয়ন কাৰ্যসূচী, ক্ষুদ্ৰ ঋণ উদ্ভাৱন প্ৰকল্প আদিৰ দৰে বিভিন্ন উন্নয়নমূলক হস্তক্ষেপৰ বাবে অনুদান হিচাপে ২৬.৩০ কোটি টকা ৰখা হৈছিল।
উল্লেখ্য যে, সুবিধাসমূহৰ ভিতৰত আছে নাবাৰ্ড আন্তঃগাঁথনি উন্নয়ন সহায়ৰ (এনআইডিএ) অধীনত বিত্তীয় সহায়, চিকিৎসা মহাবিদ্যালয়, অভিযান্ত্ৰিক মহাবিদ্যালয়, মডেল মহাবিদ্যালয়, উন্নত সংযোগৰ বাবে সেউজ ক্ষেত্ৰ পথ স্থাপনৰ বাবে অসম আন্তঃগাঁথনি বিত্তীয় প্ৰাধিকৰণ (এআইএফএ) (অসম চৰকাৰ) লৈ বিত্তীয় সহায় ইত্যাদি। অসম চৰকাৰৰ ফ্লেগশ্বিপ কাৰ্যসূচী সম্পূৰ্ণ হ’লে ৰাজ্যখনত সমৃদ্ধিৰ সূচনা হ’ব বুলি অসম আঞ্চলিক কাৰ্যালয়ৰ নাবাৰ্ডৰ মুখ্য মহাপ্ৰৱন্ধক বি শ্ৰী বৈজুকুৰুপে জনাইছে।
