সোমবাৰে ভাৰতীয় জুডো খেলুৱৈ এল সুশীলা দেৱী আৰু বিজয় কুমাৰ যাদৱে মহিলাৰ ৪৮ কিলোগ্ৰাম আৰু পুৰুষৰ ৬০ কিলোগ্ৰাম শাখাত ক্ৰমে ৰূপ আৰু ব্ৰঞ্জৰ পদক অৰ্জন কৰে Commonwealth Gamesত। ফাইনেলত দক্ষিণ আফ্ৰিকাৰ মিচেলা হুইট বুয়ে ৪.২৫ মিনিটত সুশীলাক পৰাজিত কৰে।
উল্লেখ্য যে, সুশীলা দেৱীয়া গ্লাছগো Commonwealth Games ২০১৪ তো ৰূপৰ পদক জিকিছিল। ইয়াৰ পূৰ্বে সুশীলাই মৰিচাছৰ প্ৰিচিলা মৰাণ্ডক ইপ্পনৰ পৰা পৰাস্ত কৰি ছেমি ফাইনেলত পদক সুৰক্ষিত কৰিছিল। তেওঁ কোৱাৰ্টাৰ ফাইনেলত মালাৱিৰ হেৰিয়েট বনফেচক পৰাস্ত কৰিছিল। সেইদৰে বিজয় কুমাৰ যাদৱে বিপক্ষৰ ভুলৰ সম্পূৰ্ণ সুবিধা লৈ এটা উজ্জ্বল প্ৰদৰ্শন আগবঢ়াইছিল।
