দেশৰ স্বাধীনতাৰ ৭৫ বছৰ সম্পূৰ্ণ হোৱা উপলক্ষে ‘আজাদী কা অমৃত মহোৎসৱ’ উদযাপন কৰাৰ লগতে প্ৰধানমন্ত্ৰী মোদীৰ আহ্বানত সমগ্ৰ দেশতে ‘হৰ ঘৰ তিৰিঙ্গা’ উৎসৱো আৰম্ভ কৰা হৈছে।
তদুপলক্ষে কেন্দ্ৰীয় চৰকাৰে স্বাধীনতাৰ এই উৎসৱৰ সৈতে জনসাধাৰণক সংযোগ কৰিবলৈ আৰু তেওঁলোকৰ মাজত দেশৰ প্ৰতি প্ৰেমৰ অনুভূতি বৃদ্ধি কৰিবলৈ আন এটা ডাঙৰ সিদ্ধান্ত গ্ৰহণ কৰিছে। ভাৰতীয় পুৰাতাত্ত্বিক জৰীপে ১৫ আগষ্টৰ ভিতৰত সকলো স্মাৰক, পুৰাতাত্ত্বিক স্থান আৰু সংগ্ৰহালয় দৰ্শনাৰ্থীৰ বাবে বিনামূলীয়া কৰাৰ কথা ঘোষণা কৰিছে।
বুধবাৰে এএছআইৰ মনুমেণ্ট-২ৰ সঞ্চালক প্ৰধান ড০ এন কে পাঠকৰ হৈ নিৰ্দেশ জাৰি কৰা হৈছে যে ৫ আগষ্টৰ পৰা সকলো স্মাৰক, পুৰাতাত্ত্বিক স্থান আৰু সংগ্ৰহালয় দৰ্শকৰ পৰ্যবেক্ষণৰ বাবে সম্পূৰ্ণ বিনামূলীয়া কৰি তোলা হ’ব। এই ঠাইবোৰত কোনো ধৰণৰ মাচুল লোৱা নহ’ব। এই সন্দৰ্ভত সকলো আঞ্চলিক পৰিচালক আৰু সংশ্লিষ্টলৈ আদেশ প্ৰেৰণ কৰা হৈছে।
