প্ৰধানমন্ত্ৰীৰ প্ৰধান সচিব পি কে মিশ্ৰাই বৃহস্পতিবাৰে ভাৰতে জি-২০ ৰ অধ্যক্ষতা গ্ৰহণ কৰা মুহূৰ্তটোক “ঐতিহাসিক মুহূৰ্ত” বুলি অভিহিত কৰি কয় যে দেশক “ইয়াৰ মৰ্যাদা আৰু গৌৰৱৰ সৈতে খাপ খোৱা আটাইতকৈ সঠিক উপায়েৰে” প্ৰদৰ্শন কৰাটো আমাৰ দায়িত্ব।
দেশৰ ৫৬টা ভিন্ন স্থানত এই বৈঠক অনুষ্ঠিত কৰি অনুষ্ঠানৰ সৰ্ব ভাৰতীয় স্বৰূপ যাতে সঁচা অৰ্থত প্ৰদৰ্শিত হয় সেয়া নিশ্চিত কৰা হ’ব বুলি উল্লেখ কৰি তেওঁ কয় যে প্ৰতিখন ৰাজ্য চৰকাৰ, কেন্দ্ৰীয় শাসিত অঞ্চল আৰু নাগৰিক ভাৰতৰ অধ্যক্ষতাৰ প্ৰক্ৰিয়াত অংশীদাৰ হৈছে।
এই উপলক্ষে ইউনিভাৰ্চিটি কানেক্ট: এংগেজিং ইয়ং মাইণ্ডছ কাৰ্যসূচীত প্ৰদান কৰা ভাষণত মিশ্ৰাই কয় যে ভাৰতৰ যিমানেই স্বকীয়তা আছে সিমানেই বৈচিত্ৰ্যও আছে। ভাৰতৰ শ্ৰেষ্ঠ পৰম্পৰাক বিশ্বৰ সন্মুখত উলিয়াই অনাৰ দায়িত্ব আমাৰ। ভাৰতে নিজৰ মাটিত সৰ্ববৃহৎ বহুপক্ষীয় অনুষ্ঠান আয়োজন কৰাৰ এক গৌৰৱময় সুযোগ লাভ কৰিছে বুলিও তেওঁ কয়।
মিশ্ৰাই কয়, “জি-২০ৰ অধ্যক্ষতা হ’ল ভাৰতৰ বৈচিত্ৰ্যক বহিঃজগতৰ সন্মুখত উপস্থাপন কৰাৰ এক সুযোগ। বিশ্ববিদ্যালয় সমূহে ছাত্ৰ-ছাত্ৰীসকলক স্থানীয় ইতিহাস আৰু নিজৰ অঞ্চলৰ গুৰুত্বপূৰ্ণ দিশ, কলা-ৰূপ আৰু অন্যান্য সাংস্কৃতিক পৰম্পৰাৰ বিষয়ে প্ৰশিক্ষণ দিব পাৰে।” তেতিয়া এনে ছাত্ৰ-ছাত্ৰীয়ে বৈঠকৰ আয়োজন তথা বিদেশী প্ৰতিনিধিক পথ প্ৰদৰ্শনৰ অংশ হ’ব পাৰে বুলিও তেওঁ কয়।
ঐতিহাসিক, অৰ্থনৈতিক আৰু সাংস্কৃতিক গুৰুত্বপূৰ্ণ স্থানৰ উপৰিও প্ৰকৃতি ভ্ৰমণ, গাঁও ভ্ৰমণ, আৰু সাপ্তাহিক আৰু স্থানীয় বজাৰ ভ্ৰমণৰ দৰে অভিজ্ঞতা থাকিব পাৰে বুলি বিষয়াগৰাকীয়ে জানিবলৈ দিয়ে। তেওঁ লগতে কয় যে, বিশ্ববিদ্যালয় সমূহে মেধাৱী ছাত্ৰ-ছাত্ৰীক নিৰ্বাচন কৰি অধিবেশনৰ প্ৰতিবেদক হোৱাৰ প্ৰশিক্ষণ দিব পাৰে। বিশ্বই প্ৰত্যাহ্বানমূলক সময়ৰ মাজেৰে পাৰ হোৱাৰ কথা উল্লেখ কৰি মিশ্ৰাই কয় যে ই সুযোগো আগবঢ়াইছে আৰু লগতে স্বচ্ছ শক্তিৰ উৎসৰ দিশত পৰিৱৰ্তনৰ ক্ষেত্ৰত ভাৰতে বিশ্ব ক্ষেত্ৰ খনতো আগভাগ লৈছে।
“আমাৰ বিশ্বব্যাপী পদক্ষেপ যেনে এটা সূৰ্য এখন বিশ্ব এটা গ্ৰীড আৰু আন্তৰ্জাতিক সৌৰ সহযোগিতাৰ পৰিপূৰক হৈছে অজীৱাশ্মৰ উৎসৰ জৰিয়তে ৫০ শতাংশ বিদ্যুৎ ক্ষমতা আহৰণৰ বাবে আমাৰ ঘৰুৱা প্ৰতিশ্ৰুতি। যদি আমাৰ দৰে এখন দেশেএই বাট দেখুৱায় তেন্তে বিশ্বৰ আন দেশেও অনুসৰণ কৰিব” -তেওঁ কয়। প্ৰধানমন্ত্ৰী নৰেন্দ্ৰ মোদীয়ে দেশৰ স্বাধীনতা শতবাৰ্ষিকীৰ সংজ্ঞা নিৰূপণৰ বাবে ব্যৱহাৰ কৰা শব্দ “অমৃতকাল”ৰ সময়ত ভাৰতলৈ জি-২০ৰ অধ্যক্ষতা প্ৰদান কৰা হৈছে বুলি উল্লেখ কৰি তেওঁ কয় যে এই অনুশীলনৰ সৈতে জড়িত আনুষংগিক পৰিঘটনাসমূহে আমাৰ পৰম্পৰাগত “অতিথি দেৱো ভৱঃ”ৰ এক আভাস প্ৰদৰ্শন কৰিব লাগে ।
তেওঁ উল্লেখ কৰে যে প্ৰধানমন্ত্ৰী মোদীয়ে ভৱিষ্যতলৈ চোৱা কাৰ্য্যৰ ওপৰত গুৰুত্ব আৰোপ কৰিছে যদিও আমাৰ সংস্কৃতিৰ শিপা দৃঢ় আৰু ৰাষ্ট্ৰসংঘৰ মহাসচিব উপস্থিতিত ‘পৰিৱেশৰ বাবে মিছন লাইফ ষ্টাইল’ আৰম্ভ কৰাৰ কথা তেওঁ স্মৰণ কৰে। মিশ্ৰাই কয় যে এই লাইফ মিছন আমি বিশ্বক প্ৰদান কৰা এনে এক মন্ত্ৰ। ভাৰতৰ দ্বাৰা আগবঢ়োৱা ইউনিফাইড পেমেণ্ট ইণ্টাৰফেচ (ইউপিআই) হৈছে ভাৰতীয় সমাধান সমূহে কেনেদৰে বিশ্বৰ সহায়ৰ বাবে আগবাঢ়ি অহাৰ সম্ভাৱনা আছে তাৰ আন এক উদাহৰণ, তেওঁ কয়। তেওঁ কয়, “ঘৰুৱা ডিজিটেল বিভাজন দূৰ কৰাৰ সৈতে আমাৰ বিকশিত অভিজ্ঞতাই আন্তঃৰাষ্ট্ৰীয় সম্প্ৰদায়ক বিশ্বব্যাপী ডিজিটেল বিভাজন দূৰ কৰাৰ বাবে বৈধ পাঠ প্ৰদান কৰিব পাৰে।”
দেশৰ অনুনাদশীল ষ্টাৰ্ট-আপ পৰিৱেশ ব্যৱস্থাই প্ৰমাণ কৰে যে যুৱক সকলৰ বাবে আকাশেই হৈছে সীমা, তেওঁ লগতে কয় যে আমেৰিকা যুক্তৰাষ্ট্ৰ আৰু চীনৰ পিছতে ভাৰত বৰ্তমান ফিনটেক শক্তিত বিশ্বব্যাপী তৃতীয় স্থানত আছে। প্ৰধানমন্ত্ৰী মোদীৰ অধীনত, ভাৰতে ইয়াৰ যুৱসকলৰ প্ৰয়োজনীয়তাৰ সৈতে খাপ খোৱাকৈ নিৰন্তৰ ভাৱে ইয়াৰ নীতি প্ৰস্তুত কৰি আহিছে আৰু ৰাষ্ট্ৰীয় শিক্ষা নীতি ২০২০ হৈছে প্ৰৱেশাধিকাৰ, সমতা, মানদণ্ড, সামৰ্থ্য আৰু দায়বদ্ধতাৰ আধাৰিত নীতিৰ ওপৰত আধাৰিত এক সামগ্ৰিক আৰু ভৱিষ্যত বাদী নীতি, তেওঁ এইদৰে কয়।
