আজি লামডিঙত ৰেলৱে আৰক্ষীৰ অভিযানত বৃহৎ পৰিমাণৰ নিষিদ্ধ গাঞ্জা জব্দ কৰা হয় ৷ লামডিং ৰেলৱে জংচনত আৰ পি এফ চি আই বি দলে অভিযান চলাই ১৫৯০৯ নামনিমুৱা অৱধ আসাম এক্সপ্ৰেছ ৰেলখনৰ এ চি ডবাৰ পৰা প্ৰায় ১২১ কেজি নিষিদ্ধ গাঞ্জা জব্দ কৰে ৷
আৰ পি এফৰ চি আই বি দলটোৱে বিশেষ সুত্ৰৰ পম খেদি নন্দেশ্বৰ দাসৰ নেতৃত্বত অভিযান চলাই বৃহৎ পৰিমানৰ গাঞ্জা খিনি উদ্ধাৰ কৰিবলৈ সক্ষম হয়৷ ৰেল আৰক্ষীয়ে নিষিদ্ধ গাঞ্জা জব্দ কৰে যদিও ইয়াৰ লগত জড়িত কোনো সৰবৰাহকাৰীক আটক কৰিবলৈ সক্ষম নহ’ল ৷ ভাৰপ্ৰাপ্ত বিষয়াই জানিব দিয়া মতে গাঞ্জা খিনিৰ বজাৰৰ মূল্য প্ৰায় ১২ লাখ ১০ হাজাৰ টকা হ’ব।
