LICৰ প্ৰৱেশ ঘটিল শ্বেয়াৰ বজাৰত। LICয়ে SBIৰ ওচৰত ড্ৰাফ্ট ৰেড হেৰিং প্ৰস্পেক্টাছ দাখিল কৰিছে। ইয়াৰ অৰ্থ হৈছে যে এই বিত্তীয় বৰ্ষত LICৰ IPO আহিব পাৰে। এতিয়া প্ৰশ্ন হৈছে, চৰকাৰে LICৰ কিমান অংশবিক্ৰী কৰিব আৰু ইয়াৰ পৰা কোনে ধন পাব, চৰকাৰে নে LICয়ে?
সোমবাৰে দেশৰ কেইবাখনো ৰাষ্ট্ৰীয় বাতৰি কাকত LIC শ্বেয়াৰ বজাৰত প্ৰৱেশ কৰাৰ IPO ৰ বাতৰি প্ৰকাশ পাইছে। LICয়ে দেওবাৰে ইয়াৰ IPO শ্বেয়াৰ বজাৰলৈ অনাৰ বাবে মূলধন বজাৰ নিয়ন্ত্ৰক এছ বি আইৰ ওচৰত নথিপত্ৰৰ এখন খচৰা (ডি আৰ এইচ পি) দাখিল কৰিছে।
খবৰ অনুসৰি, চৰকাৰে LICৰ ৩১.৬ কোটিতকৈও অধিক ইকুইটি শ্বেয়াৰ বিক্ৰী কৰিব। LICয়ে ৫ শতাংশ শ্বেয়াৰ বিক্ৰী কৰি প্ৰায় ৬৩,০০০ কোটি টকা সংগ্ৰহ কৰিব বিচাৰিছে।
উল্লেখ্য যে, চৰকাৰৰ হাতত LICৰ ১০০ শতাংশ শ্বেয়াৰ আছে। সেয়েহে শ্বেয়াৰবোৰ কেৱল বিক্ৰী প্ৰস্তাৱৰ জৰিয়তে বিনিয়োগকাৰী সকলক আৱণ্টন কৰা হ’ব। চৰকাৰে এই বিত্তীয় বৰ্ষৰ শেষৰ ফালে শ্বেয়াৰ বজাৰত LIC তালিকাভুক্ত কৰাৰ লক্ষ্য নিৰ্ধাৰণ কৰিছে।
প্ৰকাশিত খবৰ অনুসৰি LICৰ খচৰা দস্তাবেজখন প্ৰথমে SBIৰ দ্বাৰা অনুমোদিত কৰা হ’ব। চলিত মাহৰ প্ৰথমভাগত সংসদত উত্থাপন কৰা সাধাৰণ বাজেটত LICৰ বিনিয়োগ ১.৭৫ লাখ কোটি টকাৰ পৰা ৭৮,০০০ কোটি টকালৈ হ্ৰাস কৰা হৈছিল। ইয়াৰ পিছতে এক ধাৰণা কৰা হৈছিল যে LICৰ সন্দৰ্ভত লোৱা এই সিদ্ধান্তই চৰকাৰে বিনিয়োগৰ প্ৰক্ৰিয়াটো ত্বৰান্বিত কৰিব বিচাৰিছে। দাখিল কৰা আবেদন অনুসৰি LICৰ এম্বেডেড মূল্য হৈছে ৭১.৫৬ বিলিয়ন ডলাৰ। খচৰাখনে LICৰ বজাৰ মূল্যাঙ্কনৰ বিষয়ে একো কোৱা নাই, কিন্তু বীমা উদ্যোগৰ সৈতে সম্পৰ্কিত বিশেষজ্ঞসকলৰ মতে, এই অন্তৰ্ভুক্ত মূল্য তিনিগুণৰ পৰা ১৬ লাখ কোটিলৈ বৃদ্ধি হ’ব পাৰে।
