মাজুলীত অতিৰিক্ত উপায়ুক্তৰ কনভয়ৰ বাহনে মহটিয়াই নিলে দুই ছাত্রক। বৰগুৰি চাৰিআলিত সংঘটিত হোৱা দুৰ্ঘটনাটোত থিতাতে নিহত হয় এগৰাকী সপ্তম শ্রেণীৰ ছাত্র। নিহত ছাত্রগৰাকীৰ নাম অয়নজ্যোতি বনিয়া। গুৰুতৰভাৱে আহত হয় মলয় নাথ নামৰ দশম শ্রেণীৰ আন এজন ছাত্র।
আহত ছাত্রজনক গড়মূৰ চিকিৎসালয়ত ভৰ্তি কৰোৱা হয়। দুৰ্ঘটনাক কেন্দ্র কৰি চিকিৎসালয়ত উত্তপ্ত পৰিস্থিতিৰ সৃষ্টি হৈছে। পৰিস্থিতি নিয়ন্ত্ৰণ কৰিবলৈ ঘটনাস্থলীত চিআৰপিএফ বাহিনীৰ জোৱান মোতায়ন কৰা হৈছে।
