মহানগৰীত বৃহস্পতিবাৰে পুৱা পুনৰ উদ্ধাৰ হয় যুৱকৰ মৃতদেহ। মহানগৰীৰ বৰাগাঁৱত সংঘটিত হৈছে এই চাঞ্চল্যকৰ ঘটনা। নতুন উৰণীয়া সেঁতুৰ ওপৰত উদ্ধাৰ এটি মৃতদেহ। মৃতদেহটো ই-ৰিক্সা চালক দিপু নামৰ লোকজনৰ বুলি চিনাক্ত কৰিছে স্থানীয়লোকে।
উল্লেখ্য যে, মৃতদেহটোত আঘাতৰ স্পষ্ট দাগ পোৱা গৈছে। যাৰ বাবে এয়া হত্যাকাণ্ড বুলি সন্দেহ কৰিছে একাংশই। কোনোৱে মাৰি পেলাই থৈ যোৱাৰ সন্দেহ স্থানীয় লোকৰ। ইতিমধ্যে ঘটনাস্থলীত উপস্থিত হৈছে গড়চুক আৰক্ষী। তদন্তৰ পাছতহে পোহৰলৈ আহিব মৃত্য়ুৰ প্ৰকৃত কাৰণ।
