শীঘ্ৰেই বিয়াত বহিব অভিনেত্ৰী মৌনী ৰয়; দৰা কোন?

পুনৰ বলীউড তাৰকাৰ বিয়াৰ খবৰ ৷ শীঘ্ৰেই বিয়াত বহিব ‘নাগিন’খ্যাত অভিনেত্ৰী মৌনী ৰয় ৷

ডুবাইৰ ইনভেষ্টমেণ্ট বেংকাৰ সুৰজ নামবিয়াৰ সৈতে বিবাহপাশত আবদ্ধ হ’ব অভিনেত্ৰীগৰাকী ৷ মৌনীয়ে শেহতীয়াভাৱে ইনষ্টাগ্ৰামত শ্বেয়াৰ কৰিছে বহুকেইখন ফটো ৷

সুৰজৰ পৰিয়ালৰ সৈতে দেখা পোৱা গৈছে অভিনেত্ৰীগৰাকীক ৷ সুৰজৰ পিতৃ-মাতৃৰ সৈতেও মিলিত হয় মৌনাৰ মাতৃ আৰু ভাতৃ ৷

মৌনীৰ বান্ধৱী মন্দিৰা বেদীৰ ঘৰত সাক্ষাৎ কৰে দুয়োটা পৰিয়ালে ৷ মৌনী ৰয় আৰু সুৰজ নামবিয়াৰ সম্পৰ্কৰ কথা বহু সময়ৰ পৰাই চৰ্চাত আছিল ৷

চলিত বৰ্ষৰ আৰম্ভণিতেই অভিনেত্ৰীগৰাকীক সুৰজৰ পিতৃ-মাতৃৰ সৈতে ডুবাইৰ বাসগৃহত দেখা পোৱা গৈছিল ৷ লকডাউনৰ মাজতো দীৰ্ঘ সময় ডুবাইত কটাইছিল অভিনেত্ৰীগৰাকীয়ে ৷

কিছুদিন পূৰ্বেও ৰিং পৰিহিত অনামিকা আঙুলিৰ ফটো ছ’চিয়েল মিডিয়াত শ্বেয়াৰ কৰিছিল মৌনী ৰয়ে ৷

photo: google