ছত্তীশগড়ৰ নাৰায়ণপুৰ জিলাত নক্সালবাদীয়ে জোৱানভৰ্তি বাছ উৰুৱালে বোমাৰে।
এই আক্ৰমণত ছত্তীশগড় আৰক্ষীৰ ৩জন জোৱান শ্বহীদ হয় আৰু ২০জনতকৈ অধিক আহত হয়।
ধাৰাবাহিকভাৱে ৩টা IED বিস্ফোৰণ হয়। ছত্তীশগড়ৰ DGP ডিএম অৱস্থীয়ে এই কথা জানিবলৈ দিয়ে।
আৰক্ষী বিষয়াগৰাকীয়ে কয় যে, ছত্তীশগড়ৰ নক্সল প্ৰভাৱিত নাৰায়ণপুৰ জিলাত কৰেমেটা আৰু কহ্নৰগাঁৱৰ মাজত নক্সালবাদীয়ে সুৰক্ষা কৰ্মীৰ বাছ বাৰুদৰ সুৰংগত বিস্ফোৰণ কৰে।
ঘটনাটোত ৩জন জোৱান শ্বহীদ হোৱাৰ লগতে আন কেইবাজনো অন্য জোৱান আহত হয়।
লগতে তেওঁ ক’লে যে, সুৰক্ষা বলৰ জোৱানসকলক নক্সল বিৰোধী অভিযানলৈ প্ৰেৰণ কৰা হৈছিল।
অভিযানৰ পৰা উভতি অহাৰ সময়ত তেওঁলোক এখন বাছত যাত্ৰা কৰি আছিল।
আৰু সেই সময়তে এই বিস্ফোৰণৰ ঘটনা সংঘটিত হয়।
Photo: Google
