নিউজ ডেস্কঃ দেওবাৰে নিশা নগাঁও জিলাৰ চামগুৰিৰ আমনিত আৰক্ষীৰ অভিযানত তিনিখনকৈ গৰু-ম’হ ভৰ্তি ট্ৰাক জব্দ হয়। আৰক্ষীয়ে সদৰী কৰা মতে, উজনি অসমৰ পৰা নগাঁও অভিমুখে তিনিখন ট্ৰাকেৰে গৰু-ম’হ সৰবৰাহ কৰাৰ এক গোপন খবৰ লাভ কৰিছিল আৰক্ষীয়ে। তাৰ পিছতে আৰক্ষীয়ে ৩৭নং ৰাষ্ট্ৰীয় ঘাইপথত ট্ৰাক কেইখন জব্দ কৰাৰ বাবে বেৰিকেড লগায় আৰক্ষীয়ে।
কিন্তু আৰক্ষীৰ এই অভিযানৰ খবৰ পাই গৰু সৰবৰাহকাৰী ট্ৰাক কেইখনৰ চালক-হেণ্ডিমেনে আমনিত ট্ৰাককেইখন এৰি পলায়ন কৰে। পিছত আৰক্ষীয়ে সেই স্থানত উপস্থিত হৈ গৰু-ম’হসহ ট্ৰাক তিনিখন জব্দ কৰিবলৈ সক্ষম হয়। চামগুৰি আৰক্ষীয়ে জব্দ কৰা ট্ৰাক কেইখনৰ নম্বৰ হৈছে ক্ৰমে- AS-০১LC-১৮১৬, AS-০৭AC-৮০৫৯৮ আৰু AS-০১LC-৩৩৪৬।
