মাজুলীৰ ভাগিনৰ সৈতে নৈশ ভোজৰ আয়োজন মামাৰ

মঙলবাৰে উলহ মালহেৰে সকলোৱে উদযাপন কৰিলে মুখ্যমন্ত্ৰী ড৹ হিমন্তবিশ্ব শৰ্মাৰ জন্মদিন । ওপজা দিনৰ সেই বিশেষ আনন্দ ল’বলৈ গুৱাহাটীত উপস্থিত হোৱা মাজুলীৰ শিশু আৰু কিশোৰৰ দল এটাৰ সৈতে বুধবাৰে মুখ্যমন্ত্ৰীয়ে কটাব এক অন্তৰংগ মুহুূৰ্ত ।
উল্লেখ্য যে, বুধবাৰে নিশা মুখ্যমন্ত্ৰীৰ দিছপুৰস্থিত চৰকাৰী বাসগৃহত এই শিশুসকলৰ বাবে আয়োজন কৰা হৈছে এক বিশেষ নৈশ ভোজনৰ। শিশুৰ দলটোৰ সৈতে একেলগে বহি নৈশ আহাৰ গ্ৰহণ কৰিব মুখ্যমন্ত্ৰী ড৹ শৰ্মাই ।
উল্লেখনীয় ভাৱে, মাজুলীৰ আউনীআটি আৰু দক্ষিণপাট সত্ৰত থকা এই শিশু আৰু কিশোৰৰ দলটোক মুখ্যমন্ত্ৰীয়ে তেওঁৰ শেহতীয়া মাজুলী ভ্ৰমণকালত তেওঁৰ মুখ্যমন্ত্ৰীৰ নিজ উদ্যোগত শিশুসকলক ইতিমধ্যে ওপজা দিনৰ বাবে নিজেই নিমন্ত্ৰণ জনাই আহিছিল । সেই অনুসৰি ইতিমধ্যে গুৱাহাটীলৈ লৈ অনা হৈছে শিশুসকলক। এই নৈশভোজনৰ বাবে এইসকল আমন্ত্ৰিত শিশুৰ বাবে মুখ্যমন্ত্ৰীৰ বাসগৃহত কৰা হৈছে আয়োজন ।