পিয়ানো বাদক কুশল কৃষ্ণ দেৱ গোস্বামীৰ দীৰ্ঘদিনীয়া সপোন ‘জীৱকৃষ্ণ’ৰ উদ্বোধনৰ লগতে ‘স্কেল অধ্যয়ন’ নামৰ পশ্চিমীয়া সংগীতৰ ওপৰত এখন ইম্প্ৰুভাইজড কিতাপ মুকলি কৰা হয়। ৰাজ্যখনৰ আগশাৰীৰ সংগীত প্ৰতিষ্ঠান পিয়ানো কিডছৰ এক অনুষ্ঠানত পিয়ানো কিডছ ৱেবছাইট এটিও আনুষ্ঠানিক ভাৱে মুকলি কৰা হয়।
অনুষ্ঠানটো মহাপুৰুষ শ্ৰীমন্ত শংকৰদেৱ আৰু মাধবদেৱৰ ভক্তিমূলক সুৰ ‘মুক্তিটো নিস্প্ৰীহা জিতু’ৰ দ্বাৰা আৰম্ভ হৈছিল, যাক কুশল কৃষ্ণ দেৱ গোস্বামীয়ে স্বৰলিপিলৈ ৰূপান্তৰ কৰা আৰু পিয়ানো কিডছৰ শিক্ষাৰ্থীসকলে সংগীত দিছিল। ইয়াৰ পিছতে অসমৰ বিশিষ্ট সংগীতজ্ঞ সূৰ্য গোস্বামীয়ে বন্তি প্ৰজ্বলন কৰে। কুশল কৃষ্ণ দেৱ গোস্বামীৰ স্বৰ্গীয় পিতৃৰ স্মৃতিত স্থাপিত অন্তৰংগ মঞ্চ উদ্বোধন কৰাৰ পিছত গোস্বামীয়ে কয়, “এই সংহত মঞ্চই ৰাজ্যখনত বহুতো প্ৰতিভা ৰক্ষা কৰাত যথেষ্ট সহায় কৰিব।” এই স্বকীয় আৰু আকৰ্ষণীয় মঞ্চটো পিয়ানো কিডছৰ সকলো শিক্ষাৰ্থীৰ বাবে সংগীত প্ৰতিভাৰ পৰীক্ষাগাৰ হ’ব আৰু জীৱকৃষ্ণ অন্তৰংগ পৰ্যায়ত অংশগ্ৰহণকাৰীসকলৰ সৃজনশীলতা বৃদ্ধিৰ ওপৰত গুৰুত্ব দি বিভিন্ন কাৰ্যকলাপ অন্তৰ্ভুক্ত থাকিব।
‘জীৱকৃষ্ণ’ অন্তৰংগ মঞ্চটো সকলোৰে বাবে সঁচাকৈয়ে এক অনন্য আৰু অতুলনীয় অভিজ্ঞতা হ’ব বুলি আশা কৰা হৈছে।
‘স্কেল ষ্টাডি’ নামৰ এখন পশ্চিমীয়া সংগীতৰ স্বৰলিপিৰ ওপৰত ইম্প্ৰুভাইজড কিতাপ – ড০ ৰিপু কুমাৰ গগৈ আৰু ড০ দেৱব্ৰত খনিকাৰে মুকলি কৰি কুশল কৃষ্ণ দেৱ গোস্বামীৰ পিয়ানো সংগীতৰ কাৰণে কৰা অপৰিসীম অৱদানৰ বাবেও প্ৰশংসা কৰে। ডেৰ বছৰতকৈও অধিক সময় ধৰি গৱেষণা কৰি কুশল কৃষ্ণ দেৱ গোস্বামীয়ে এই কিতাপখন সৃষ্টি কৰিছে আৰু ইয়াত স্বৰলিপিৰ বহু গুৰুত্বপূৰ্ণ সংগ্ৰহেৰে পৰিপূৰ্ণ আচে, যিবোৰ পৰৱৰ্তী কালত বজাব, উপভোগ কৰিব আৰু শুনিব পাৰি। এই পদক্ষেপে ভৱিষ্যতৰ শিক্ষাৰ্থী, সংগীতজ্ঞ আৰু পিয়ানো উৎসাহী সকলৰ বাবে এক শক্তিশালী ভেটি স্থাপন কৰিব।
উক্ত অনুষ্ঠানতে ৰিতুৰাজ মহন্তৰ দ্বাৰা নিৰ্মাণ কৰা পিয়ানো কিডছৰ ৱেবছাইটটো কুশল কৃষ্ণ দেৱ গোস্বামীয়ে আনুষ্ঠানিক ভাৱে মুকলি কৰে। অনুষ্ঠানটোত অষ্টম বাৰ্ষিক দিৱস উদযাপন সমিতিৰ বিষয় ববীয়া ড০ ৰিপু কুমাৰ গগৈ, ড০ দেৱব্ৰত খনিকাৰ, প্ৰজ্ঞান দুৱৰা, ৰূপৰেখা দত্ত, পৰাগ কুমাৰ গোঁহাই, কাজল গোস্বামী, ৰূপংকৰ বৰুৱা আৰু ৰিতুৰাজ মহন্তকো সম্বৰ্ধনা জনোৱা হয়।
