ওদালগুৰিত সংঘটিত হৈছে এক ভয়াৱহ পথ দুৰ্ঘটনা। ওদালগুৰিৰ ভেৰগাওঁ টোটলাপাৰাত নিয়ন্ত্ৰণ হেৰুৱাই এখন বাছ খাৱৈত বাগৰি পৰে।
উক্ত ঘটনাত ৭ গৰাকী যাত্ৰী গুৰুতৰ ভাৱে আহত হৈছে বুলি জানিব পৰা গৈছে। চালকৰ ভুলৰ বাবেই এই দুৰ্ঘটনা সংঘটিত হোৱাৰ অভিযোগ যাত্ৰীসকলৰ। চালকে এখন হাতেৰে ম’বাইল ফোনত কথা পাতি আনখন হাতেৰে তীব্ৰগতিত বাছ চলাইছিল বুলি যাত্ৰীসকলে জানিবলৈ দিছে। আহত যাত্ৰীসকলক বৰ্তমান স্থানীয় হাস্পতালত ভৰ্তি কৰোৱা হৈছে।
