বৃহস্পতিবাৰে মৃত্যু হোৱা ৰাণী দ্বিতীয় এলিজাবেথৰ প্ৰতি সন্মান জনাই প্ৰিমিয়াৰ লীগে এই সপ্তাহৰ শেষৰ ফালে অনুষ্ঠিত হ’বলগীয়া সকলোবোৰ মেচ পিছুৱাই দিয়াৰ লগতে অহা সোমবাৰে সন্ধিয়া অনুষ্ঠিত হ’বলগীয়া খেলখনো পিছুৱাই দিয়াৰ সিদ্ধান্ত গ্ৰহণ কৰিছে।
“মহাৰাণী দ্বিতীয় এলিজাবেথৰ প্ৰতি শ্ৰদ্ধা জনাই, এই সপ্তাহৰ প্ৰিমিয়াৰ লীগৰ মেচ ৰাউণ্ড পিছুৱাই দিয়া হ’ব,” এক বিবৃতিযোগে জানিবলৈ দিয়ে বুলি লীগৰ অফিচিয়েল টুইটাৰ একাউণ্টত প্ৰকাশ কৰিছে।
ৱেণ্টৱাৰ্থত অনুষ্ঠিত বিএমডব্লিউ পিজিএ চেম্পিয়নশ্বিপ গল্ফ ইভেণ্ট তৎক্ষণাৎ স্থগিত কৰা হয় আৰু শুকুৰবাৰৰ খেল বাতিল কৰা হয়, লগতে শুকুৰবাৰে ওভালত অনুষ্ঠিত হোৱা ইংলেণ্ড বনাম দক্ষিণ আফ্ৰিকা টেষ্ট খেলখনো বাতিল কৰা হয়।
