এটা বিশেষ ফেচবুক পোষ্টে তোলপাৰ লগাইছে ছ’চিয়েল মিডিয়া ।
বিউটি পাৰ্লাৰত সুন্দৰী হ’বলৈ যোৱা যুৱতী বীভৎস ৰূপ লৈ উভতিল পাৰ্লাৰৰ পৰা ।
এই ভয়ংকৰ ঘটনা সংঘটিত হৈছে শিলচৰত ।
শিলচৰৰ লিংক ৰোডৰ সাৰদা পাৰ্লাৰত বিনীতা নাথ নামৰ যুৱতীগৰাকী বলি হৈছে এই ঘটনাৰ ।
বান্ধৱীৰ বিয়াৰ পূৰ্বে পাৰ্লাৰখনত ফেচিয়েল কৰাবলৈ গৈছিল যুৱতীগৰাকী ।
মুখত ব্লিছ লগোৱাৰ পিছতেই দুৰ্ভাগ্যজনকভাৱে জ্বলি গৈছিল সমগ্ৰ মুখমণ্ডল ।
ফেচবুক পোষ্টযোগে এই অভিযোগ উত্থাপন কৰিছে যুৱতীগৰাকীয়ে ।
সমগ্ৰ ঘটনাৰ বাবে পাৰ্লাৰখনক জগৰীয়া কৰি এটা ফেচবুক ভিডিঅ’ আপলোড কৰে যুৱতীগৰাকীয়ে ।
ইয়াৰ পিছতে ভাইৰেল হৈ পৰে ভিডিঅ’টো ।
ঘটনাটোৱে এতিয়া চিন্তিত কৰি তুলিছে যুৱতী-মহিলাসকলক।
