অইল ইণ্ডিয়া লিমিটেডে গুৱাহাটীৰ বামুনিমৈদানত গুৱাহাটী কাৰ্যালয় আৰু দক্ষতা বিকাশ প্ৰতিষ্ঠান নিৰ্মাণৰ বাবে এখন ফলক উন্মোচন কৰি এক আধাৰশিলা স্থাপন কৰে। অসমৰ মাননীয় মুখ্যমন্ত্ৰী ড০ হিমন্ত বিশ্ব শৰ্মা ডাঙৰীয়াই ৰামেশ্বৰ তেলী, মাননীয় ৰাজ্যিক মন্ত্ৰী, পেট্ৰলিয়াম আৰু প্ৰাকৃতিক গেছ আৰু শ্ৰম আৰু নিয়োগ, ভাৰত চৰকাৰ আৰু অইল ইণ্ডিয়া লিমিটেডৰ পৰিচালনা সমিতিৰ উপস্থিতিত আধাৰশিলা স্থাপন কৰি ফলক উন্মোচন কৰে।
Happy to unveil a plaque to mark laying of foundation stone for Oil India Ltd’s office-cum-Skill Development Institute in Guwahati.
The office-cum-institute will be built at a cost of ₹200 cr on a plot of 5-bigha land given by GoA on a long-term lease. pic.twitter.com/3ucC58fvjo
— Himanta Biswa Sarma (Modi Ka Parivar) (@himantabiswa) June 22, 2022
ভৱন নিৰ্মাণৰ কাম হ’বলগীয়া মাটিখিনি অসম চৰকাৰে দীৰ্ঘম্যাদী পট্টাৰ জৰিয়তে অইল ইণ্ডিয়া লিমিটেডক আবণ্টন দিছিল। অইল ইণ্ডিয়া লিমিটেড আৰু দক্ষতা বিকাশ প্ৰতিষ্ঠানৰ গুৱাহাটী কাৰ্যালয় স্থাপনৰ প্ৰক্ৰিয়া সঠিকভাৱে আৰম্ভ হৈছে আৰু প্ৰাক-নিৰ্মাণৰ কাম-কাজ বহু পৰিমাণে সম্পূৰ্ণ হৈছে। অইল ইণ্ডিয়া লিমিটেডৰ পাইপলাইনৰ মুখ্য কাৰ্যালয় গুৱাহাটীৰ নাৰেংগীত থকাৰ বাবে ইতিমধ্যে গুৱাহাটীত অইলৰ উপস্থিতি আছে যদিও বামুনিমৈদানত গুৱাহাটী কাৰ্যালয় স্থাপন কৰাৰ ফলত গুৱাহাটীত অইল ইণ্ডিয়া লিমিটেডৰ উপস্থিতি আৰু অধিক বৃদ্ধি পাব বুলি আশা কৰা হৈছে।
একেদৰে একেটা স্থানতে এটা দক্ষতা বিকাশ প্ৰতিষ্ঠান স্থাপন কৰিলে স্থানীয় যুৱক-যুৱতীসকলে বিভিন্ন ব্যৱসায়ত দক্ষতা বিকাশৰ বাবেও যথেষ্ট সুযোগ লাভ কৰিব বুলি আশা কৰা হৈছে, আৰু এনেদৰেই কোম্পানীটোৱে গুৱাহাটীৰ আশে-পাশে পৰিচালনা কৰা অন্যান্য দক্ষতা বিকাশ প্ৰতিষ্ঠানসমূহৰ উপৰিও যুৱক-যুৱতীসকলক নিয়োগযোগ্য কৰি তুলিছে।
