অসমত বন্ধ হৈ পৰিল অসম চৰকাৰৰ আনন্দৰাম বৰুৱা বঁটা৷ শুকুৰবাৰে শিক্ষামন্ত্ৰীয়ে সদৰী কৰে এই তথ্য৷ উল্লেখ্য যে, প্ৰায় সোতৰ বছৰ ধৰি হাইস্কুল শিক্ষান্ত পৰীক্ষা আৰু অসম হাইমাদ্ৰাছা পৰীক্ষাত প্ৰথম বিভাগত উত্তীৰ্ণ শিক্ষাৰ্থীক অসম চৰকাৰে প্ৰদান কৰি আহিছিল আনন্দৰাম বৰুৱা বঁটা৷ বিশেষকৈ ছাত্ৰ-ছাত্ৰীক শিক্ষাৰ প্ৰতি ধাউতি তথা আগ্ৰহ বহাবৰ বাবেই এই শিক্ষামূলক বঁটাটি প্ৰদান কৰা হৈছিল। কিন্তু এতিয়াৰে পৰা মেট্ৰিক পৰীক্ষাত প্ৰথম বিভাগত উত্তীৰ্ণ শিক্ষাৰ্থীয়ে লাভ নকৰে লেপটপ।
আজিৰ পৰা বন্ধ হৈ পৰা আনন্দৰাম বৰুৱা বঁটাৰ অধীনত অসম চৰকাৰে হাইস্কুল শিক্ষান্ত পৰীক্ষা আৰু হাইমাদ্ৰাছা পৰীক্ষাত প্ৰথম বিভাগত উত্তীৰ্ণ মেধাৱী ছাত্ৰ-ছাত্ৰীক লেপটপ আৰু লেপটপৰ সলনি নগদ ধন প্ৰদান কৰি আহিছিল।
উল্লেখ্য যে, ২০০৫ চনত এই বঁটা ঘোষণা কৰা হৈছিল আৰু সেই বৰ্ষতে প্ৰথমবাৰৰ বাবে তদানীন্তন মুখ্যমন্ত্ৰী তৰুণ গগৈৰ কাৰ্যকালত ১২,৭৫৬গৰাকী ছাত্ৰ-ছাত্ৰীক এই আঁচনিৰ অধীনত বঁটা প্ৰদান কৰা হৈছিল।