৩৩নং বিজনী বিধানসভা সমষ্টিত মিত্ৰজোঁটৰ জয় নিশ্চিত ৷
এই কথা এক প্ৰেছ বিবৃতিযোগে প্ৰকাশ কৰিছে বিজেপিয়ে ৷
সমষ্টিটোৰ মিত্ৰজোঁটৰ প্ৰাৰ্থী অজয় কুমাৰ ৰায়ে মনোনয়ন দাখিলৰ সময়ত থকা সমৰ্থকৰ উপস্থিতিয়ে প্ৰমান কৰিছে এই কথা ৷
শুকুৰবাৰে তৃতীয় পৰ্যায়ৰ নিৰ্বাচনৰ বাবে মনোনয়ন পত্ৰ দাখিলৰ অন্তিম দিন ৷
অন্তিম দিনা মনোনয়ন পত্ৰ দাখিল কৰে মন্ত্ৰী ডঃ হিমন্ত বিশ্ব শৰ্মাই ৷
উক্ত দিনাই ৩৩নং বিজনী বিধানসভা সমষ্টিৰ মিত্ৰজোঁটৰ সমৰ্থিত প্ৰাৰ্থী অজয় কুমাৰ ৰায়ে দাখিল কৰে মনোনয়ন পত্ৰ ৷
মনোনয়ন দাখিলৰ সময়ত অজয় কুমাৰ ৰায়ক সংগ দিয়ে ৰাজ্যিক বিজেপিৰ সভাপতি ৰঞ্জিৎ কুমাৰ দাসে ৷
মনোনয়ন পত্ৰ দাখিলৰ সৈতে সংগতি ৰাখি মিত্ৰজোঁটৰ কাৰ্যকৰ্তা, সমৰ্থক আৰু শুভাকাংশীসকলক সম্বোধন কৰি বিজনী ক্ৰীড়া সন্থাৰ খেলপথাৰত আয়োজন কৰে এখন জনসভা ৷
সভাত অভিলেখসংখ্যক জনতাৰ সমৰ্থন লাভ কৰে অজয় কুমাৰ ৰায়ে ৷
বিজনী সমষ্টিৰ উন্নয়নৰ বাবে প্ৰাৰ্থীগৰাকীক ভোট দিবলৈও আহ্বান জনালে ৰাজ্যিক বিজেপিৰ সভাপতিগৰাকীয়ে ৷
