অৱশেষত নগাওঁ আৰক্ষীয়ে গ্ৰেপ্তাৰ কৰিলে গো-মাফিয়া কমৰুজ জামানক

অৱশেষত দীৰ্ঘ দিনে গৰুৰ চোৰাং ব্যৱসায়ৰ সৈতে জড়িত থকা প্ৰাক্তন আমছু নেতা কমৰুজ জামানক মঙলবাৰে গ্ৰেপ্তাৰ কৰিবলৈ সক্ষম হ’ল নগাওঁ আৰক্ষী। গোপন সুত্ৰৰ পম খেদি নগাঁৱৰ আৰক্ষী অধীক্ষক লীনা দলেয়ে গ্ৰেপ্তাৰ কৰিছে কমৰুজক। কমৰুজৰ জিম্মাৰ পৰা অবৈধ মাৰানাস্ত্ৰও উদ্ধাৰ কৰিছে আৰক্ষীয়ে। আৰক্ষীৰ চোৰাংচোৱা বুলি চিনাকি দি বিগত সময়ত নগাঁৱত সন্ত্ৰাস চলাই অহা কমৰুজৰ বিৰুদ্ধে শেহতীয়াকৈ মাটিৰ দালালিৰ গোচৰো ৰুজু হৈছিল জুৰীয়া থানাত।
উল্লেখ্য যে, নগাঁও চহৰত আত্মগোপন কৰি থকা অৱস্থাত গ্ৰেপ্তাৰ কৰা হৈছে জামানক। কমৰুজ জামানৰ ঘৰ নগাঁৱৰ জুৰীয়াত। কমৰুজৰ জিম্মাৰ পৰা আৰক্ষীয়ে এ এছ০২ এ এ ০৯০৯ নম্বৰৰ ইন’ভা গাড়ী এখনো জব্দ কৰে।