দেশত ২৪ ঘণ্টাত ১২.৮% বৃদ্ধিৰ সৈতে ৩,৩০৩ জন লোক আক্ৰান্ত

ভাৰতত যোৱা ২৪ ঘণ্টাত ক’ৰোনা ভাইৰাছ  সংক্ৰমণৰ ৩,৩০৩ টা নতুন ঘটনা পোহৰলৈ আহিছে। ই পূৰ্বতকৈ ১২.৮% অধিক। মঙলবাৰে, কৰোনাৰ ২,৯২৭ টা নতুন ঘটনা পোহৰলৈ আহিছিল। দেশত মুঠ ক’ভিড-১৯ সংক্ৰমণৰ সংখ্যা এতিয়া ৪ কোটি ৩০ লাখ, ৬৮ হাজাৰ ৭৯৯ লৈ বৃদ্ধি হৈছে। যোৱা ২৪ ঘণ্টাত, সমগ্ৰ দেশত কৰোনা সংক্ৰমণৰ ফলত ৩৯ জন লোকৰ মৃত্যু হৈছে। ইয়াৰ সৈতে, এতিয়ালৈকে ভাৰতত কোভিড-১৯-ত মুঠ ৫ লাখ ২৩ হাজাৰ ৬৯৩ জন লোকৰ মৃত্যু হৈছে।
কেন্দ্ৰীয় স্বাস্থ্য মন্ত্ৰালয়ৰ মতে, দেশত কৰোনা সংক্ৰমণৰ মুঠ সক্ৰিয় ঘটনাৰ সংখ্যা বৰ্তমান প্ৰায় ১৭ হাজাৰ পাৰ হৈছেগৈ। বৰ্তমান, ভাৰতত কৰোনা সংক্ৰমণৰ ১৬,৯৮০ টা সক্ৰিয় ঘটনা আছে। এয়া হৈছে মুঠ ঘটনাৰ ০.০৪%। দেশৰ ক’ভিড-১৯ পুনৰুদ্ধাৰৰ হাৰ হৈছে ৯৮.৭৪%। যোৱা ২৪ ঘণ্টাত, সমগ্ৰ দেশত মুঠ ২,৫৬৩ জন ৰোগী কৰোনা সংক্ৰমণৰ পৰা আৰোগ্য হৈছে। সেয়েহে, মুঠ ৪ কোটি, ২৫ লাখ, ২৮ হাজাৰ, ১২৬ জন লোকে এই ভাইৰাছৰ সংক্ৰমণক পৰাস্ত কৰিছে।