মুম্বাইত এক হৃদয় বিদাৰক ঘটনা সংঘটিত হৈছে। এজন লোকে এগৰাকী মহিলাক পেট্ৰ’ল ঢালি জ্বলাই দিয়ে।
অগ্নিদগ্ধ মহিলাগৰাকীয়ে তৎক্ষনাৎ লোকজনক ধৰি লয় আৰু পিছত দুয়ো অগ্নিদগ্ধ হয়।
ঘটনাস্থলীতে মৃত্যুক সাৱটে লোকজনে। ই
ফালে অগ্নিদগ্ধ মহিলাগৰাকী হাস্পতালত মৃত্যুৰ সৈতে যুঁজ দি আছে।
এই আচৰিত ঘটনাটো মুম্বাইৰ মেঘবাৰী অঞ্চলত সংঘটিত হৈছে।
আৰক্ষীয়ে বিজয় খম্বেৰ বিৰুদ্ধে গোচৰ ৰুজু কৰিছে, কিন্তু ইতিমধ্যে লোকজনে মৃত্যুক সাৱটিছে।
ইফালে অগ্নিদগ্ধ মহিলাগৰাকী মুম্বাইৰ জেজে হাস্পতালত চিকিৎসাধীন।
চিকিৎসকে আৰক্ষীক জনালে যে মহিলাগৰাকীৰ অৱস্থা যথেষ্ট সংকটজনক।
এজন জ্যেষ্ঠ বিষয়াই জনোৱা অনুসৰি, আমি মহিলাগৰাকীৰ ভাতৃৰ অভিযোগৰ ভিত্তিত বিজয়ৰ বিৰুদ্ধে গোচৰ ৰুজু কৰিছো।
বৰ্তমানো অব্যাহত আছে তদন্ত। ঘটনাটো তন্নতন্নকৈ তদন্ত আৰম্ভ কৰা হৈছে।
আৰক্ষীয়ে জনোৱা অনুসৰি ঘটনাটো মুম্বাইৰ পূবত যোগেশ্বৰীৰ গান্ধী নগৰত সংঘটিত হৈছে।
বিজয় নামৰ এজন লোক আৰু মহিলাগৰাকী ডেৰ বছৰ ধৰি চিনি পাইছিল।
দৰাচলতে, বিজয়ে মহিলাগৰাকীক বিয়া কৰাব বিচাৰিছিল কিন্তু বিয়াৰ প্ৰস্তাৱ মহিলাগৰাকীৰ পৰিয়ালে নাকচ কৰিছিল।
বিজয়ে মহিলাগৰাকীক অশান্তি দিবলৈ আৰম্ভ কৰিছিল।
কেইবাবাৰো সুৰাপান কৰি হুলস্থলো কৰিছিল।
ইয়াৰ পিছত মহিলাগৰাকীয়ে লোকজনক গুৰুত্ব দিবলৈ বন্ধ কৰি দিছিল।
৬ ফেব্ৰুৱাৰীত মহিলাগৰাকী ঘৰত অকলে আছিল আৰু বিজয়ে তাইক হত্যা কৰিম প্ৰতিশ্ৰুতিবদ্ধ হৈ পৰিছিল।
মহিলাগৰাকীৰ স্বাস্থ্য ভাল নাছিল বাবে বিছনাত শুই আছিল।
বিজয়ে জানিব পাৰিছিল যে তাই ঘৰত অকলে আছিল আৰু তাইৰ ঘৰত পেট্ৰ’ল লৈ প্ৰৱেশ কৰিছিল।
বিজয়ে মহিলাগৰাকীৰ ওপৰত সম্পূৰ্ণ পেট্ৰ’লৰ বটলটো ঢালি দিছিল।
পিছত মহিলাগৰাকীয়ে অগ্নিদগ্ধ অৱস্থাতে লোকজনক টানি আনিছিল।
পিছত সম্পূৰ্ণকৈ দুয়ো অগ্নিদগ্ধ হয়।
অগ্নিদগ্ধ অৱস্থাতে দুয়ো ঘৰৰ ভিতৰৰ পৰা বাহিৰলৈ দৌৰ দিয়ে আৰু তাতে স্থানীয় লোকে দুয়োৰে জুই নুমুৱায়।
Photo: Google
