আজি দুদিনীয়া ভ্ৰমণসূচীৰে অসমলৈ আহিব দেশৰ ৰাষ্ট্ৰপতি দ্রৌপদী মুর্মু। ১৩ আৰু ১৪ অক্টোবৰত ৰাষ্ট্ৰপতিগৰাকীয়ে গুৱাহাটীত কেইবাটাও বিশেষ কাৰ্যসূচীত অংশগ্ৰহণ কৰিব।
ৰাষ্ট্ৰপতিৰ আগমণ সন্দৰ্ভত মহানগৰীৰ যান-বাহন আৰক্ষীৰ সামগ্ৰী কঢ়িওৱা বাহনৰ ক্ষেত্ৰত পথ নিৰ্দেশনা জাৰি কৰিছে। ১৩ অক্টোবৰত ৬ চকীয়া বা তাতকৈ ওপৰৰ সামগ্ৰী কঢ়িওৱা বাণিজ্যিক বাহন সমূহ ২৭ আৰু ১৭ নং ৰাষ্ট্ৰীয় ঘাইপথেৰে পুৱা ৮ বজাৰ পৰা নিশা ১০ বাজি ৩০ মিনিটলৈ চলাচল বন্ধ থাকিব।
১৪ অক্টোবৰতো পুৱা ৮ বজাৰ পৰা নিশা ৯ বজালৈ বন্ধ থাকিব একেই বাহনৰ চলাচল। আনহাতে ১৪ অক্টোবৰত পুৱা ৮ বজাৰ পৰা ১২ বাজি ৩০ মিনিটলৈ DG ROAD, AT ROAD, MG ROAD,KLB ROAD, TAIBULLAH ROAD, GNB ROAD, B.BARUAH ROAD, GS ROAD আৰু PUNJABARI ROAD ত বন্ধ থাকিব সকলো ধৰণৰ বাণিজ্যিক সামগ্ৰী কঢ়িওৱা বাহনৰ চলাচল।
