উত্তৰ প্ৰদেশৰ ৰাজধানী লক্ষ্ণৌৰ বিভূতি খণ্ড অঞ্চলত চিকিৎসক পিতৃ-পুত্ৰই কৰিলে আত্মহত্যা, পিতৃ আৰু পুত্ৰ দুয়োগৰাকী চিকিৎসক আছিল আৰু আৰক্ষীয়ে ৩খন ছুইচাইড নোটো পালে।
পুত্ৰৰ মৃতদেহৰ কাষৰ পৰা ছুইচাইড নোটকেইখন পালে তাৰে এখন নোটত লিখা আছিল যে, ‘আৰু সহ্য নহয়।’
লক্ষ্ণৌৰ বিভূতি খণ্ডত পিতৃ আৰু পুত্ৰ একেলগে বাস কৰিছিল।
এটা ঘৰৰে পৃথক-পৃথক কোঠাত পিতৃ আৰু পুত্ৰৰ মৃতদেহ উদ্ধাৰ কৰে।
জানিবলৈ দিয়া অনুসৰি দুয়োজনে বিষাক্ত দ্ৰব্য খাই আত্মহত্যাৰ দৰে চৰম পথ বাচি লৈছিল।
এই ঘটনাটো বিভূতি খণ্ড থানা অঞ্চলৰ বিভৱ খণ্ডত সংঘটিত হৈছে।
৭৫ বছৰীয়া মাধৱ কৃষ্ণ তিৱাৰী আৰু তেওঁৰ পুত্ৰ গৌৰৱ তিৱাৰী (৪৬)য়ে আত্মহত্যা কৰে।
মৃতক মাধৱ কৃষ্ণ তিৱাৰী অৱসৰপ্ৰাপ্ত চিকিৎসক আছিল আছিল আৰু পুত্ৰ গৌৰৱ তিৱাৰী ৰায়বেৰেলীৰ পশু চিকিৎসালয়ত নিয়োজিত হৈ আছিল।
আৰক্ষীয়ে মৃতক গৌৰৱ তিৱাৰীৰ পৰা ৩খন ছুইচাইড নোট উদ্ধাৰ কৰে,
কিন্তু মৃতক পিতৃৰ পৰা এখনো ছুইচাইড নোট পোৱা নগ’ল।
পুত্ৰৰ কাষত পোৱা ছুইচাইড নোটখনত লিখা আছিল যে, “আৰু সহ্য নহয়।’
পিতৃ আৰু পুত্ৰৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।
Photo: Google
