ভৰিৰ আঘাতৰ বাবে শুকুৰবাৰে কমনৱেলথ গেমছৰ ৪৮ কিলোগ্ৰাম ট্ৰায়েলৰ মাজতে নাম প্ৰত্যাহাৰ কৰিবলৈ বাধ্য হৈছে ভাৰতীয় বক্সাৰ এম চি মেৰী কম। ৪৮ কিলোগ্ৰাম ছেমি ফাইনেলৰ প্ৰথম ৰাউণ্ডত ছয়বাৰৰ বিশ্ব চেম্পিয়নগৰাকী আঘাতপ্ৰাপ্ত হয়। প্ৰত্যাহাৰৰ লগে লগে হাৰিয়ানাৰ নীতুৱে ইয়াত থকা ইন্দিৰা গান্ধী আন্তঃৰাষ্ট্ৰীয় ষ্টেডিয়ামত অনুষ্ঠিত কমনৱেলথ গেমছৰ ট্ৰায়েলৰ ফাইনেলত প্ৰৱেশ কৰে। যোৱা কমনৱেলথ গেমছৰ (২০১৮) স্বৰ্ণ পদক বিজয়ী মেৰী কম বাউটৰ প্ৰথম ৰাউণ্ডত ৰিঙত পৰিছিল।
৩৯ বছৰীয়া বক্সাৰগৰাকীয়ে উঠি প্ৰতিযোগিতা কৰিবলৈ চেষ্টা কৰিছিল, কিন্তু অলপ পিছতে তেওঁৰ ভাৰসাম্য নষ্ট হ’ল আৰু বাওঁ ভৰি সাৱটি বহি পৰিল। তাৰ পিছত তেওঁ ৰিঙৰ বাহিৰলৈ যাব লগা হৈছিল আৰু ৰেফাৰীয়ে নীতুক বিজয়ী ঘোষণা কৰিছিল। আটাইতকৈ সফল ভাৰতীয় বক্সাৰ এম চি মেৰী কমে অহা মাহত বাৰ্মিংহামত অনুষ্ঠিত হ’বলগীয়া কমনৱেলথ গেমছত মনোনিবেশ কৰিবলৈ বিশ্ব চেম্পিয়নশ্বিপ আৰু এছিয়ান গেমছৰ পৰা নাম প্ৰত্যাহাৰ কৰিছিল।
